Azərbaycan-Avropa İttifaqı münasibətlərindəki sürətli dinamika hər iki tərəfin strateji maraqlarının üst-üstə düşdüyünü açıq şəkildə nümayiş etdirir. Mövzunun davamı kimi bildirək ki, Yeni geosiyasi şəraitdə Azərbaycanın tranzit marşrutlarının əhəmiyyəti əvvəlkindən qat-qat artıb. Bölgədəki dəyişən mənzərə bir sıra ənənəvi marşrutların etibarlılığını azaldıb, Azərbaycandan keçən dəhlizlərə olan tələbatı isə artırıb.
Bu reallıq Azərbaycanın nəqliyyat-logistika sahəsindəki strateji rolunu daha da önə çıxarıb. Diqqəti çəkən mühüm məqamlardan biri budur ki, Azərbaycan qonşuları ilə qurulan yaxşı münasibətlər hesabına bütün iştirakçılara fayda verən nəqliyyat əməkdaşlığı formatları yaratmağa nail olub. Bu cür çoxtərəfli əməkdaşlıq Azərbaycanın regional lider kimi mövqeyini möhkəmləndirir.
Avropa Komissiyası ilə aparılan danışıqlarda bağlantı məsələsi xüsusi yer tutması da bu sahənin strateji əhəmiyyətini təsdiqləyir. Bununla əlaqədar vurğulanmalıdır ki, Azərbaycan Şərq-Qərb istiqamətindəki ticarət axınlarında getdikcə daha mühüm yer tutur. Ölkəmizdən keçən yüklərin həcminin bütün istiqamətlərdə artması Azərbaycanın tranzit potensialının nə qədər yüksək olduğunu göstərir. Bu potensialın reallaşdırılması üçün liman, dəmir yolu və avtomobil infrastrukturuna ardıcıl investisiyalar edilir. Bu nəticələr Azərbaycanın regionda həm iqtisadi, həm də siyasi baxımdan aparıcı rol oynadığını bir daha təsdiqləyir..
YAP Nizami rayon təşkilatının Analitik qrupu