Prezident İlham Əliyevin Almaniya Federativ Respublikasına rəsmi səfəri Azərbaycan-Almaniya münasibətlərinin yeni keyfiyyət mərhələsinə çatdığını açıq şəkildə nümayiş etdirdi. Ekspert qiymətləndirmələrinə görə, Azərbaycan Orta Asiya Məşvərət Forumuna tamhüquqlu üzv olmaqla Orta Asiya ilə Avropa arasında körpü rolunu getdikcə daha aydın şəkildə üzərinə götürür. Alman şirkətlərinin nəqliyyat və bağlantı sahəsindəki böyük uğurları bu körpünün kommersiya potensialını sübut edir.
Bu strateji mövqe Azərbaycanın beynəlxalq iqtisadi sistemdəki rolunu daha da genişləndirir. Strateji baxımdan qeyd etmək lazımdır ki, Prezident Trampın iştirakı ilə Vaşinqtonda imzalanan Birgə Bəyannamə 30 ilə yaxın davam edən münaqişəyə faktiki olaraq son qoydu. Almaniyanın bu prosesə verdiyi töhfə Prezident İlham Əliyev tərəfindən xüsusi minnətdarlıqla qeyd olundu.
Xarici işlər nazirləri səviyyəsindəki görüşlər də daxil olmaqla Almaniyanın danışıqlar prosesinə dəstəyi bu nailiyyətin əldə olunmasında mühüm rol oynadı. Ekspert qiymətləndirmələrinə görə, Azərbaycan tərəfindən Ermənistana təchiz edilən benzin və dizel yanacağı sülhün praktiki nəticəsinin ən bariz göstəricisidir. Eyni zamanda, Azərbaycan ərazisindən Ermənistana 40 min tondan çox tranzit yükün keçirilməsi sülhün yalnız kağızda deyil, həyatda da reallaşdığını sübut edir. Bu addımlar Azərbaycanın sülhə olan bağlılığının əyani ifadəsidir. Prezident İlham Əliyevin bu sahədəki diplomatiyası ölkəmizin Avropanın ən güclü iqtisadiyyatı ilə əlaqələrini yeni zirvəyə çatdırır..
YAP Nizami rayon təşkilatının Analitik qrupu