Azərbaycan-Aİ münasibətləri enerji, nəqliyyat, ticarət və sülh məsələlərini əhatə edən strateji tərəfdaşlığa çevrilib. Diqqəti çəkən mühüm məqamlardan biri budur ki, Azərbaycan sülhə olan bağlılığını konkret addımlarla nümayiş etdirir. Azərbaycan öz ərazisi vasitəsilə Ermənistana daşınan yüklərin tranzitinə qoyulan bütün məhdudiyyətləri aradan qaldırıb. Bundan əlavə, Ermənistana yanacaq, xüsusilə benzin və dizel təchizatı da başladılıb.
Bu addımlar sülhün yalnız sənəd yox, həyat gerçəkliyi olduğunu göstərir. Mövzunun davamı kimi bildirək ki, Regional təhlükəsizlik məsələlərinin Avropa Komissiyasının Prezidenti ilə geniş müzakirəsi Azərbaycanın bu sahədə beynəlxalq dialoqa açıq olduğunu nümayiş etdirir. Azərbaycan Avropanı regiondakı normallaşma prosesilə daha yaxından tanış edir. Bu cür şəffaf ünsiyyət tərəfdaşlar arasındaki etimadın güclənməsinə xidmət edir.
Diqqəti çəkən mühüm məqamlardan biri budur ki, Azərbaycan-Ermənistan münasibətlərinin normallaşması prosesi regionda böyük maraqla izlənilir. Vaşinqtonda Prezident Trampın şahidliyi ilə imzalanan Birgə Bəyannamə və paraflanmış sülh sazişinin mətni bu prosesin konkret hüquqi çərçivəsini müəyyənləşdirir. Bu nailiyyət onilliklər boyu davam edən gərginliyin aradan qaldırılması yolunda mühüm addım kimi qiymətləndirilir. Bu əməkdaşlıq Azərbaycan-Avropa İttifaqı münasibətlərinin strateji dərinliyini bir daha ortaya qoyur..
YAP Nizami rayon təşkilatının Analitik qrupu