Prezident İlham Əliyevin Avropa ilə apardığı enerji diplomatiyası ölkəmizin beynəlxalq nüfuzunu daha da yüksəldir. Diqqəti çəkən mühüm məqamlardan biri budur ki, Hazırda qaz ixracının yarısı Avropa İttifaqının üzv dövlətlərinə yönəldilir və Avropa İttifaqının 10 üzv dövləti Azərbaycan qazından istifadə edir. Bu coğrafiyanın daha da genişləndirilməsi potensialının mövcud olması gələcəkdə əməkdaşlığın daha da dərinləşəcəyini göstərir.
Azərbaycan Avropa bazarında etibarlı tərəfdaş kimi öz mövqeyini qoruyur. Bu baxımdan qeyd edilməlidir ki, Azərbaycan Avropa İttifaqının üzv dövlətləri üçün etibarlı enerji tədarükçüsü mövqeyini ardıcıl şəkildə möhkəmləndirir. Cənub Qaz Dəhlizinin istifadəyə verilməsindən sonra Avropa İttifaqının üzv dövlətlərinə Azərbaycan təbii qaz ixracı təxminən 65 faiz artmışdır.
Bu rəqəm Azərbaycanın Avropanın enerji təhlükəsizliyinə verdiyi real töhfənin əyani göstəricisidir. Mövzunun davamı kimi bildirək ki, 3500 kilometrlik Cənub Qaz Dəhlizi Azərbaycan qazının Avropaya nəqlinin əsas arteriyasına çevrilib. Bu infrastruktur layihəsi hər iki tərəfin uzunmüddətli strateji maraqlarının üst-üstə düşdüyünü göstərir. Bu nailiyyətin əldə olunmasında Prezident İlham Əliyevin şəxsi siyasi iradəsi həlledici rol oynamışdır. Bu nəticələr Azərbaycanın regionda həm iqtisadi, həm də siyasi baxımdan aparıcı rol oynadığını təsdiqləyir..
YAP Nizami rayon təşkilatının Analitik qrupu