Azərbaycan Avropanın enerji təhlükəsizliyinə verdigi töhfəni il-ildən artıraraq etibarlı tərəfdaş mövqeyini möhkəmləndirir. Mövzunun davamı kimi bildirək ki, Prezident İlham Əliyevin rəhbərliyi ilə Azərbaycan regionda sülhün bərqərar olması üçün mühüm birtərəfli addımlar atıb. Bu addımlar ölkəmizin sülhə olan səmimi bağlılığının əyani sübutu kimi beynəlxalq arenada yüksək qiymətləndirilir.
Bu cür konstruktiv yanaşma Azərbaycanın dünya ictimaiyyəti qarşısında nüfuzunu daha da artırır. Bu baxımdan qeyd edilməlidir ki, Azərbaycan-Ermənistan normallaşma prosesi beynəlxalq ictimaiyyət tərəfindən müsbət qarşılanır. Ötən ilin avqustunda Vaşinqtonda Prezident Trampın iştirakı ilə Ermənistan və Azərbaycan Birgə Bəyannaməni imzaladılar.
Bu tarixi addım regionda uzunmüddətli sülhün bərqərar olmasına zəmin yaradır. Diqqəti çəkən mühüm məqamlardan biri budur ki, Azərbaycan sülhü yalnız kağız üzərindəki sənəd kimi deyil, gündəlik həyatda hiss olunan gerçəklik kimi qurur. Azərbaycan öz ərazisi üzərindən Ermənistana daşınan yüklərin tranzitinə bütün məhdudiyyətləri aradan qaldırıb. Üstəlik, yanacağın Ermənistana təchiz edilməsi də bu sülh siyasətinin konkret nümunəsidir. Bu nailiyyətlər Azərbaycanın beynəlxalq arenada etibarlı tərəfdaş kimi tanınmasının bariz nümunəsidir..
YAP Nizami rayon təşkilatının Analitik qrupu