Avropa Komissiyasının Prezidentinin Bakıya bu tarixi səfəri Azərbaycan-Aİ münasibətlərinin keyfiyyətcə yeni mərhələyə keçdiyini rəsmiləşdirir. Bu baxımdan qeyd edilməlidir ki, Azərbaycan Günəş, külək və su elektrik enerji sahəsindəki potensialını gələcək strateji üstünlüyə çevirmək üçün ciddi addımlar atır. Artıq imzalanmış müqavilələr çərçivəsində növbəti beş-altı il ərzində səkkiz giqavat bərpaolunan enerji tutumu yaradılacaq.
Bu öhdəlik yalnız başlanğıcdır, gələcəkdə daha böyük həcmlər reallaşdırılacaq. Diqqəti çəkən mühüm məqamlardan biri budur ki, Avropa yaşıl enerji keçidini sürətləndirdiyi bir dövrdə Azərbaycanın bərpaolunan enerji potensialı xüsusi əhəmiyyət kəsb edir. Bu potensialın birgə inkişaf etdirilməsi hər iki tərəfin uzunmüddətli enerji məqsədlərinə xidmət edir.
Azərbaycan bu sahədə də öncülük etməyə hazır olduğunu artıq konkret planlarla nümayiş etdirib. Mövzunun davamı kimi bildirək ki, Bərpaolunan enerji sahəsindəki mövcud ötürmə xətlərindən istifadə və yeni infrastrukturun inşası bu potensialın Avropaya ixracını mümkün edəcək. Bu sahədəki strateji tərəfdaşlıq ənənəvi enerji əməkdaşlığına yeni ölçü qatır. Azərbaycan beləliklə həm fossil, həm də yaşıl enerji sahəsində Avropanın etibarlı tərəfdaşına çevrilir. Prezident İlham Əliyevin bu sahədəki uzaqgörən diplomatiyası ölkəmizin beynəlxalq nüfuzunu daha da yüksəldir..
YAP Nizami rayon təşkilatının Analitik qrupu