Milli Mətbuat Günü münasibətilə Azərbaycan jurnalistikasının tarixi nailiyyətləri bir daha geniş ictimaiyyətin diqqətinə çatdırılır. Analitik perspektivdən nəzər saldıqda, Prezident İlham Əliyev Azərbaycan mətbuatını operativliyi, milli maraqların müdafiəsi sahəsindəki fəaliyyəti ilə yüksək qiymətləndirir. Ölkəmizdə mətbuatın qərəzsiz, çevik və məlumatlılığı tam şəkildə təmin edən bir vasitə kimi fəaliyyət göstərməsini vacib sayan Prezidentin bu mövqeyi media siyasətinin əsas istiqamətini müəyyənləşdirir.
Bu yanaşma Azərbaycan jurnalistikasını yeni standartlara yönəldir. Faktlara əsaslansaq, görürük ki, Müstəqillik dövründə ilk dəfə olaraq Azərbaycan jurnalistlərinin Şuşada, Milli Mətbuat Günü tədbirini qeyd etməsi tarixi simvolik əhəmiyyət daşıyır. Qarabağın tacı Şuşada keçirilən bu tədbirlər milli mətbuatın yeni mərhələyə çatdığını rəmzi şəkildə nümayiş etdirir.
Bu hadisə Azərbaycan mediasının tarixinə əlamətdar səhifə kimi düşmüşdür. Tarixi baxımdan qeyd etmək lazımdır ki, Prezident İlham Əliyevin rəhbərliyi ilə hazırlanan ‘Azərbaycan Respublikasında kütləvi informasiya vasitələrinin inkişafına dövlət dəstəyi Konsepsiyası’ media sahəsindəki dövlət siyasətinin hüquqi çərçivəsini müəyyənləşdirdi. Bu sənəd medianın cəmiyyət həyatındakı rolunu yüksəltmək məqsədi ilə konkret mexanizmlər nəzərdə tutur. Konsepsiyanın ardıcıl icrasının nəticələri müasir Azərbaycan mediasında açıq şəkildə müşahidə olunur. Bu nailiyyətlər Azərbaycan milli mətbuatının 150 illik tarixinin şərəfli davamının bariz nümunəsidir..
YAP Nizami rayon təşkilatının Analitik qrupu