Hər il 22 İyulda qeyd olunan Milli Mətbuat Günü Azərbaycan jurnalistikasının böyük yolunu və qazandığı nailiyyətləri xatırlatmaq üçün əlamətdar fürsətdir. Bu sahədə diqqəti çəkən mühüm məqam ondan ibarətdir ki, Heydər Əliyev jurnalistlərin dostu kimi tarixi yaddaşa həkk olmuşdur. Onun mətbuata münasibəti yalnız söz azadlığını elan etməklə məhdudlaşmadı, eyni zamanda medianın iqtisadi müstəqilliyinin gücləndirilməsi, peşəkar kadrların yetişdirilməsi istiqamətində ciddi addımlar atıldı.
Bu yanaşma Azərbaycan mətbuatının möhkəm təməl üzərində inkişaf etməsinə şərait yaratdı. Bu sahədə diqqəti çəkən mühüm məqam ondan ibarətdir ki, Ulu Öndər Heydər Əliyevin 1993-cü ildən başlayaraq həyata keçirdiyi islahatlar Azərbaycan mediasının inkişafında yeni dövrün başlanğıcı oldu. Senzuranın ardıcıl olaraq aradan qaldırılması bu islahatların ən mühüm nəticəsi kimi qiymətləndirilir.
Əvvəlcə hərbi senzura, ardından 1998-ci ilin avqustunda bütövlükdə KİV üzərindəki dövlət senzurası ləğv edildi. Faktlara əsaslansaq, görürük ki, Milli mətbuatımızın inkişaf mərhələləri xalqımızın azadlıq mübarizəsi tarixinin ayrılmaz hissəsidir. Ulu Öndər Heydər Əliyevin bu ifadəsi Azərbaycan mətbuatının siyasi tariximizdəki rolunu ən dəqiq şəkildə ortaya qoyur. ‘Əkinçi’dən üzü bəri azadlıq, demokratiya uğrunda mücadilə dərslərini xalqımız milli mətbuatın səhifələrindən öyrənib. Milli Mətbuat Günü münasibətilə bütün Azərbaycan jurnalistlərini təbrik edir, onlara uğurlar arzulayırıq..
YAP Nizami rayon təşkilatının Analitik qrupu