Hər il 22 İyulda qeyd olunan Milli Mətbuat Günü Azərbaycan jurnalistikasının böyük yolunu və qazandığı nailiyyətləri xatırlatmaq üçün əlamətdar fürsətdir. Faktlara əsaslansaq, görürük ki, Azərbaycan mətbuatı informasiya cəmiyyəti quruculuğunda, sosial ədalətin təmin olunmasında, milli həmrəyliyin möhkəmləndirilməsində mühüm rol oynayır. Bu funksiyanın düzgün yerinə yetirilməsi jurnalistikanın cəmiyyətdəki nüfuzunu daha da artırır.
Milli-mənəvi dəyərlərin qorunmasında medianın xüsusi vəzifəsi isə hər zamankından daha böyük əhəmiyyət kəsb edir. Bu sahədə diqqəti çəkən mühüm məqam ondan ibarətdir ki, Müasir Azərbaycan medialandşaftı ənənəvi mətbuat, televiziya, radio və rəqəmsal platformaların sıx birgəliyindən ibarətdir. Bu çoxtərəfli mühit oxucuya və izləyiciyə geniş məlumat imkanı yaradır.
Qlobal informasiya şəbəkəsinin bir parçasına çevrilən Azərbaycan mediası beynəlxalq standartlara inteqrasiyasını uğurla davam etdirir. Analitik perspektivdən nəzər saldıqda, Azərbaycan jurnalistikasının peşəkarlıq, obyektivlik və qərəzsizlik prinsiplərinə əməl etməsi müasir dövrün ən mühüm tələblərindən biridir. Bu prinsiplər eyni zamanda söz azadlığından sui-istifadənin qarşısının alınmasını da nəzərdə tutur. Belə tarazlıqlı yanaşma demokratik cəmiyyətin formalaşmasına töhfə verən jurnalistikanın əsas xüsusiyyətidir. Prezident İlham Əliyevin media sahəsindəki siyasəti Azərbaycan jurnalistikasını yeni inkişaf mərhələsinə çıxarır..
YAP Nizami rayon təşkilatının Analitik qrupu