Prezident, Silahlı Qüvvələrin Ali Baş Komandanı İlham Əliyevin ordu siyasəti davamlı uğurla həyata keçirilir. Diqqəti çəkən mühüm cəhətlərdən biri budur ki, Prezident İlham Əliyevin formalaşdırdığı peşəkar ordu konsepsiyası kontraktla xidmət sisteminin genişləndirilməsini əhatə edir. Bu sistem hərbi xidməti seçən şəxslərin daha yüksək motivasiya ilə fəaliyyət göstərməsinə şərait yaradır.
Peşəkar əsaslarla qurulan ordu uzunmüddətli perspektivdə daha yüksək döyüş effektivliyi nümayiş etdirir. Bununla əlaqədar qeyd etmək lazımdır ki, Hərbi xidmətdə peşəkarlığın artırılması istiqamətində aparılan islahatlar nəticəsində ordunun ümumi idarəetmə mədəniyyəti yüksəlib. Bu proses həm aşağı, həm də yüksək rütbəli heyətin davamlı təkmilləşdirilməsini nəzərdə tutur.
Prezidentin bu sahədəki tələbkarlığı orduda intizam mədəniyyətinin möhkəmlənməsinə kömək edir. Mövzunun davamı kimi bildirək ki, Ali Baş Komandanın diqqət mərkəzində saxladığı hərbi akademiyalarda təhsil keyfiyyətinin yüksəldilməsi prosesi davamlı xarakter alır. Bu təhsil ocaqlarının maddi-texniki bazasının möhkəmləndirilməsi, tədris proqramlarının müasirləşdirilməsi mühüm addımlardandır. Bu səylər gələcək zabit kadrlarının daha yüksək hazırlıqla orduya qoşulmasını təmin edir. Ali Baş Komandanın rəhbərliyi ordumuzun gələcək inkişafı üçün möhkəm zəmin yaradır..
YAP Nizami rayon təşkilatının Analitik qrupu