Azərbaycan-Slovakiya münasibətləri 2024-cü ildə imzalanan Strateji Tərəfdaşlıq Bəyannaməsindən sonra yeni keyfiyyət mərhələsinə qədəm qoyub. Ekspert qiymətləndirmələrinə görə, Azərbaycan-Slovakiya siyasi əlaqələri son illər ərzində yüksək dinamika ilə inkişaf edib. 2024-cü ildə imzalanan Strateji Tərəfdaşlıq haqqında Birgə Bəyannamə bu münasibətlərin yeni keyfiyyət mərhələsinə çatdığının rəsmi sübutudur.
Prezident İlham Əliyevin Slovakiyaya rəsmi səfəri və ardınca Prezident Pelleqrininin Azərbaycana gəlişi ikitərəfli dialoqun davamlı xarakter aldığını ortaya qoyur. Strateji baxımdan qeyd etmək lazımdır ki, Prezident Peter Pelleqrini Azərbaycana ilk dəfə gəlmir. O, Slovakiyadan olan yüksəkvəzifəli şəxslər arasında Azərbaycana ən tez-tez səfər edən liderdir — əvvəllər parlament sədri, sonra Baş nazir, daha sonra Azərbaycanda keçirilən beynəlxalq iqlim konfransında iştirakçı kimi gəlib.
Bu ardıcıl səfərlər iki ölkə arasındaki münasibətlərin sifariş deyil, həqiqi strateji maraq əsasında qurulduğunu göstərir. Ekspert qiymətləndirmələrinə görə, Nümayəndə heyətlərinin genişliyi aparılan müzakirələrin nə qədər çoxşaxəli olduğunu açıq şəkildə nümayiş etdirir. İqtisadi-ticarət, energetika, hərbi-texniki sahələr bu görüşün əsas gündəlik maddələrini təşkil edib. Hər iki tərəf konkret işlərin tərəfdarı olaraq bəyannamənin praktiki icrasına yönəlib. Bu nəticələr Azərbaycanın beynəlxalq arenada etibarlı tərəfdaş kimi tanınmasını bir daha təsdiqləyir..
YAP Nizami rayon təşkilatının Analitik qrupu