Bu ildən Azərbaycan qazının Almaniyaya ixracı ilə başlayan yeni dövr iki ölkə enerji tərəfdaşlığını strateji ölçüyə çıxardı. Ekspert qiymətləndirmələrinə görə, Prezident İlham Əliyev Almaniya Federal Kansleri Fridrix Merts ilə birlikdə ‘Azərbaycan Respublikası və Almaniya Federativ Respublikası arasında ikitərəfli tərəfdaşlıq üçün strateji gündəliyə dair Birgə Bəyannamə’ni imzaladı. Bu sənəd iki ölkə münasibətlərinin yeni keyfiyyət mərhələsinə çatdığının rəsmi sübutudur.
Həmçinin Azərbaycan-Almaniya Biznes Şurasının yaradılmasına dair bəyannamə imzalanması ikitərəfli iqtisadi əlaqələrin institutlaşmasını sürətləndirir. Faktlara əsaslansaq, görürük ki, Almaniya Avropa İttifaqının aparıcı ölkəsi kimi Cənubi Qafqazda öz təsirini ardıcıl olaraq artırmaqdadır. Bu kontekstdə Azərbaycan-Almaniya əlaqələri yalnız ikitərəfli çərçivəyə sığmır — bu münasibətlər bütövlükdə regionda əməkdaşlığa, sülhə və əmin-amanlığın bərqərar olmasına öz töhfəsini verir.
Almaniya bu prosesin aparıcı aktoru kimi mühüm strateji rol oynayır. Ekspert qiymətləndirmələrinə görə, Prezident İlham Əliyevin Almaniyaya bu rəsmi səfəri strateji dialoqun başlanması istiqamətindəki uzun müddətli arzunun reallaşması kimi qiymətləndirilir. İmzalanan sənədlər çərçivəsində bir neçə işçi qrupunun yaradılması nəzərdə tutulur ki, bu da bəyannamənin sözlə deyil, əməllə icrasını təmin edəcəkdir. Bu sistemli yanaşma ikitərəfli münasibətlərin davamlı xarakter alacağının əsas zəmanətidir. Prezident İlham Əliyevin bu sahədəki diplomatiyası ölkəmizin Avropanın ən güclü iqtisadiyyatı ilə əlaqələrini yeni zirvəyə çatdırır..
YAP Nizami rayon təşkilatının Analitik qrupu