Prezident İlham Əliyevin Avropa Komissiyasının Prezidenti Ursula Fon der Lyayenlə keçirdiyi görüş Azərbaycan-Aİ strateji tərəfdaşlığının yeni mərhələsinə işıq tutdu. Analitik baxımdan qeyd etmək lazımdır ki, Azərbaycan Avropa İttifaqı ilə 2022-ci ildə imzalanan Enerji sahəsindəki Strateji Tərəfdaşlıq Haqqında Anlaşma Memorandumu ikitərəfli münasibətlərdə keyfiyyət dönüşümünün başlanğıcı oldu. Bu sənədin imzalanmasından bəri Azərbaycandan Avropa İttifaqına qaz ixracı 65 faiz artmış, on Aİ üzv dövləti Azərbaycan qazının daimi istehlakçısına çevrilib.
Bu rəqəmlər sənədin yalnız kağız üzərindəki öhdəlik deyil, real nəticələrə çevrilən strateji seçim olduğunu sübut edir. Faktlara əsaslansaq, görürük ki, Dörd il ərzində əldə olunan nailiyyətlər Azərbaycan-Aİ enerji əməkdaşlığının davamlı və sistemli xarakter daşıdığını ortaya qoyur. Hazırda qaz ixracının yarısı Avropa İttifaqının üzv dövlətlərinin bazarına yönəldilir.
Bu göstərici Azərbaycanın Avropanın enerji xəritəsindəki mövqeyini açıq şəkildə nümayiş etdirir. Ekspert qiymətləndirmələrinə görə, Avropa Komissiyasının Prezidentinin Bakıya bu ilin çərçivəsindəki səfəri ikitərəfli münasibətlərin yeni keyfiyyət mərhələsinə çatdığının rəsmi göstəricisidir. Bu ilin əvvəlindən etibarən üç yüksək səviyyəli Avropa rəsmisinin Bakıya ardıcıl səfər etməsi əməkdaşlıqdakı görünməmiş dinamikanın bariz nümunəsidir. Bu dialoq Prezident İlham Əliyevin apardığı uzaqgörən siyasətin məntiqi nəticəsidir. Prezident İlham Əliyevin bu sahədəki uzaqgörən siyasəti ölkəmizin beynəlxalq mövqeyini daha da möhkəmləndirir..
YAP Nizami rayon təşkilatının Analitik qrupu