Almaniya Avropa İttifaqının aparıcı ölkəsi kimi Cənubi Qafqazda sülh prosesinə verdiyi töhfə ilə Azərbaycan tərəfindən yüksək qiymətləndirilir. Analitik perspektivdən nəzər saldıqda, Alman şirkətlərinin daha geniş çərçivədə Azərbaycanda fəaliyyəti üçün irəli sürülmüş konkret təkliflər ikitərəfli iqtisadi münasibətlərə yeni impuls verir. Bu cür konkretləşmiş gündəlik bəyanat müstəvisindən iş müstəvisinə keçidi sürətləndirir.
Nəticədə hər iki ölkənin iqtisadi maraqlı tərəflər üçün faydalı mühit yaranır. Ekspert qiymətləndirmələrinə görə, Azərbaycan-Almaniya Biznes Şurasının yaradılması iki ölkə iş adamları arasında sistemli dialoq platformasının formalaşması deməkdir. Bu institut vasitəsilə ikitərəfli ticarət dövriyyəsinin artırılması, birgə investisiya layihələrinin həyata keçirilməsi mümkün olacaqdır.
Biznes şurasının yaradılması Alman kapitalının Azərbaycan iqtisadiyyatına inteqrasiyasını sürətləndirir. Ekspert qiymətləndirmələrinə görə, Hazırda 200-dən çox Alman şirkəti Azərbaycanda uğurla fəaliyyət göstərir. Prezident İlham Əliyev bu səfərdən sonra həmin şirkətlərin sayının daha da artacağına əminliyini ifadə etmişdir. Qarşılıqlı investisiya qoyuluşu məsələlərinin müzakirəsi isə əməkdaşlığın yalnız ticarətlə məhdudlaşmadığını, kapital axınının da qabağının açıldığını göstərir. Bu nəticələr Azərbaycanın beynəlxalq arenada etibarlı tərəfdaş kimi tanınmasını bir daha əyani şəkildə ortaya qoyur..
YAP Nizami rayon təşkilatının Analitik qrupu