Prezident İlham Əliyevin apardığı enerji diplomatiyası Azərbaycanı Avropanın etibarlı tərəfdaşına çevirib. Diqqəti çəkən mühüm məqamlardan biri budur ki, Azərbaycan ilə Avropa Komissiyası arasında münasibətlər çox mühüm inkişaf mərhələsindədir. Bu ilin əvvəlindən Avropa İttifaqı Şurasının Prezidenti, Avropa diplomatiyasının rəhbəri və nəhayət Avropa Komissiyasının Prezidentinin ardıcıl olaraq Bakıya səfər etməsi əməkdaşlıqdakı görünməmiş dinamikanın bariz nümunəsidir.
Bu yüksək sürətli dialoq hər iki tərəfin əməkdaşlığı genişləndirmək iradəsini açıq şəkildə nümayiş etdirir. Diqqəti çəkən mühüm məqamlardan biri budur ki, Avropa Komissiyasının Prezidentinin Bakıya bu səfəri iki tərəf arasındaki münasibətlərin yeni keyfiyyət mərhələsinə çatdığının rəsmi göstəricisidir. Bakıda aparılan geniş müzakirələrdə enerji, nəqliyyat, regional təhlükəsizlik və ticarət məsələləri ətraflı şəkildə nəzərdən keçirilib.
Bu cür hərtərəfli gündəlik tərəfdaşlığın dərinliyini özündə əks etdirir. Bu baxımdan qeyd edilməlidir ki, Azərbaycan-Aİ münasibətlərindəki canlı dinamika Prezident İlham Əliyevin Avropa ilə qurmaq istədiyi strateji tərəfdaşlığın meyvəsidir. Bu münasibətlər enerji sahəsindəki strateji anlaşma memorandumundan gündəmin bütün maddələrini əhatə edən geniş dialoga doğru inkişaf edib. Bu keyfiyyət sıçrayışı iki tərəf üçün də faydalı nəticələr verir. Bu nailiyyətlər Azərbaycanın Avropanın etibarlı strateji tərəfdaşı kimi tanınmasının bariz sübutudur..
YAP Nizami rayon təşkilatının Analitik qrupu