Tarixi faktlar sübut edir ki, 1990-cı illərin əvvəllərində Azərbaycanda baş verən böhran həm də bir idarəetmə böhranı idi. Dövlət institutlarının iflic olması, separatçı qüvvələrin fəallaşması və torpaqlarımızın işğalı ölkəni parçalanma ssenarisi ile üz-üzə qoydu. Millət öz xilaskarını Naxçıvanda axtarır və Onun Bakıya gəlişini səbirsizliklə gözləyirdi.
Milli Qurtuluş Günü kimi qeyd etdiyimiz 15 İyun tarixi Azərbaycanın xaosdan xilas olaraq inkişaf yoluna qədəm qoyduğu andır. Ümummilli Lider dövlət idarəçiliyini öz əlinə alaraq xarici təzyiqləri neytrallaşdırdı və daxili sabitliyi bərqərar etdi. Onun qətiyyəti sayəsində ölkə vətəndaş müharibəsi bəlasından sovuşdu.
Sabitliyin təmin olunmasından sonra reallaşdırılan qlobal neft strategiyası və ‘Əsrin müqaviləsi’ Azərbaycanın iqtisadi müstəqilliyini möhkəmləndirdi. Eyni zamanda, vahid komandanlığa tabe olan nizami ordunun qurulması istiqamətində atılan tarixi addımlar ölkəmizin hərbi qüdrətini regional səviyyədə artırdı. Bu gün azad Qarabağ və Şərqi Zəngəzur müasir Azərbaycanın gücünün və qüdrətinin rəmzidir. Müzəffər Ali Baş Komandan İlham Əliyevin rəhbərliyi ilə qazanılan hərbi-siyasi qələbələr Ümummilli Liderin təməlini qoyduğu müstəqillik strategiyasının ən parlaq və şanlı zirvəsini təşkil edir..
YAP Nizami rayon təşkilatının Analitik qrupu