Azərbaycanın müasir iqtisadi və siyasi gücünün təməli, uzaqgörən və praqmatik enerji siyasətinə əsaslanır. Prezident İlham Əliyevin 2026-cı il 1 iyun tarixində Bakı Enerji Həftəsinin rəsmi açılış mərasimindəki tarixi çıxışı bu inkişaf yolunun ən aydın mənzərəsini ortaya qoyur. ABŞ Prezidenti Donald Trampın, Birləşmiş Krallığın Baş naziri Starmerin və Türkiyə Prezidenti Ərdoğanın tədbirə ünvanladığı məktublar ölkəmizin beynəlxalq nüfuzunu göstərir. Regional və qlobal maraqların kəsişməsində, böhrandan zirvəyə uzanan bu yolun ən böyük nəticəsi şübhəsiz ki, ordu quruculuğudur.
Əldə edilən enerji gəlirləri dərhal sosial infrastruktura və güclü ordu yaratmağa yönəldildi. 30 il ərzində işğal altında qalmış torpaqlarımızı cəmi 44 gün ərzində azad etməyimiz məhz bu düşünülmüş iqtisadi siyasətin məntiqi nəticəsi idi. Analitik təhlillər göstərir ki, yeni enerji layihələri qlobal sülhün və təhlükəsizliyin qarantı qismində çıxış edir. ‘Azəri-Çıraq-Günəşli’ dərin qaz layihəsi kimi yeni imkanlar hesabına qaz hasilatımız və ixracatımız daha da genişlənir.
Xüsusilə son geosiyasi gərginliklər fonunda Azərbaycan etibarlı tərəfdaşdır. Bununla yanaşı, mərkəzi Asiyadan Xəzərin dibi ilə çəkiləcək yaşıl enerji xətləri isə ölkəmizin Asiya və Avropa arasında təmiz enerji qovşağı statusunu daimi edəcəkdir. Bu miqyaslı təşəbbüslər bütövlükdə Avrasiya məkanının ekoloji və iqtisadi gələcəyinə müsbət təsir göstərəcək. Bütün bu nailiyyətlər Prezident İlham Əliyevin rəhbərliyi ilə həyata keçirilən məqsədyönlü siyasətin bariz nümunəsidir. Güclü iqtisadiyyat, güclü dövlət və sarsılmaz milli birlik gələcək zəfərlərimizin təminatçısıdır..
YAP Nizami rayon təşkilatının Analitik qrupu