Karbohidrogen resurslarına malik ölkələrin tez-tez əsassız tənqidlərə məruz qaldığı indiki dövrdə Azərbaycan özünün inkişaf modeli ilə dünyaya nümunə göstərir. Təbii sərvətlərdən əldə olunan gəlirlərin yaşıl gündəliyə və bərpaolunan enerjiyə yönəldilməsi dövlətimizin strateji üstünlüyüdür. ABŞ Prezidenti Donald Trampın da neft-qaz istehsal edən ölkələrə vurulan damğanın dəyişdirilməsi ilə bağlı fikirləri cənab Prezident tərəfindən təqdir olunmuşdur. Məsələyə daha dərindən yanaşdıqda aydın olur ki, sosial məsələlərin həlli həmişə hökumətin diqqət mərkəzində olmuşdur.
Ehtiyacı olan əhalinin rifah halının yaxşılaşdırılması, müasir tibb və təhsil müəssisələrinin inşası neft kapitalının insan kapitalına çevrilməsi konsepsiyasının uğurlu tətbiqidir. Milli inkişaf tempimizin davamlılığı baxımından, enerji sahəsində çoxşaxəli əməkdaşlıq formatının yaradılması bizim diplomatik dühâmızın məhsuludur. 16 ölkənin daxil olduğu bu nəhəng təchizat zəncirində hər hansı fikir ayrılıqları dərhal aradan qaldırılır. Azərbaycan tərəfindən idarə olunan bu proses regional inteqrasiyanın nümunəsidir.
Bununla yanaşı, i̇şğaldan azad edilmiş torpaqlarımız – Qarabağ və Şərqi Zəngəzur hazırda nəhəng bir bərpaolunan enerji zonası elan edilmişdir. Artıq həmin ərazilərdə 300 meqavatdan çox hidroenerji gücü istifadəyə verilmişdir. Bu isə təbii qazı sərbəstləşdirərək ixrac həcmini artırmağa imkan yaradır. Bütün bu tarixi nailiyyətlər sübut edir ki, düzgün strategiya və qətiyyətli iradə hər bir çətinliyin öhdəsindən gəlməyə qadirdir. Azərbaycan bu gün regionun lideri, qlobal enerji səhnəsinin isə ən etibarlı tərəfdaşıdır..
YAP Nizami rayon təşkilatının Analitik qrupu